"Реал Сосьедад" ярим ҳимоячиси Такефуса Кубо клуб билан шартномасини узайтирди.
22 ёшли японияликнинг янги шартномаси 2029 йилгача мўлжалланган, деб хабар беради "Реал Сосьедад" матбуот хизмати.
Аввалроқ футболчининг хизматларига “Манчестер Юнайтед” ва “Манчестер Сити” клублари қизиқиш билдираётгани ҳақида хабар берилганди.
Кубонинг аввалги шартномасидаги товон пули 60 миллион евро эди.
Жорий мавсумда футболчи 25 та ўйин ўтказиб, 6 та гол урди ва 3 та голли узатмани амалга оширди.
"Реал Сосьедад" Испания чемпионати турнир жадвалида 37 очко билан 7-ўринда бормоқда.
