Bubakar Kamara jarohati tufayli Yevro-2024'da ishtirok eta olmaydi.

“Aston Villa” va Fransiya terma jamoasi yarim himoyachisi APL doirasida “Manchester Yunayted”ga qarshi o‘yinda (1:2) o‘ng tizzasidan jarohat oldi. Kecha ertalab unga xochsimon bog‘lam yirtilgani tashxisi qo‘yilgan.

"The Athletic" xabariga ko‘ra, futbolchi tez orada operasiya qilinadi va mavsumning qolgan qismini o‘tkazib yuboradi. Qayta tiklanish kamida 5-6 oy davom etadi.

Joriy mavsumda Kamara Premyer-ligada 20 ta o‘yin o‘tkazib, 1 ta golli uzatmani amalga oshirdi.