"PSJ"ning portugaliyalik himoyachisi Nunu Mendesh jiddiy jarohatdan so‘ng mashg‘ulotlarga qaytdi. Bu haqda insayder Fabrisio Romano ijtimoiy tarmoqlari orqali xabar berdi.
Manbaga ko‘ra, 21 yoshli futbolchi yaqin haftalarda maydonga qaytishi mumkin. Mendesh jarohati sabab o‘tgan mavsumdan beri maydonga tushmayapti. O‘tgan mavsumda himoyachi 23 ta o‘yinda ishtirok etib, bitta gol va 5 golga assistentlik qilgan.
Mendeshning parijliklar bilan mehnat shartnomasi 2026 yilning yoziga qadar tuzilgan. Futbolchining transfer qiymati 60 million yevroga baholanmoqda.
