Sloveniyada qishki tanaffusdan so‘ng chempionat o‘yinlari qayta boshlandi.

“Olimpiya” jamoasi “Rogashka” jamoasini qabul qildi va uchrashuvda qiziq holat yuz berdi: mehmonlar 24-soniyada o‘yinchi almashtirishni amalga oshirdi.

Sloveniya chempionatida bir qoida mavjud. Har bir jamoa boshlang‘ich tarkibda 21 yoshgacha bo‘lgan mahalliy futbolchini maydonga tushirishga majbur. “Rogashka” bu ishni bajardi, ammo futbolchi bir daqiqa ham o‘ynamay, 29 yoshli Aydin Mulalichga o‘z o‘rnini bo‘shatib berdi.  

“Rogashka” bilan qiziq vaziyatlar ko‘p bo‘lgan. Masalan, jamoa “Koper”ga qarshi o‘yinda tarkibga yosh futbolchilarni kiritmadi va texnik 0:3 hisobidagi mag‘lubiyatni qabul qilib oldi.

Aynan shu jamoalar o‘rtasidagi ikkinchi davradagi o‘yinda 18 yoshli himoyachi “Koper” jamoasi tarkibida maydonga tushib, bir daqiqadan keyin o‘rnini Gabriel Groznisga bo‘shatib bergan.

Sloveniyada juda ko‘p jamoalar bu qoidani “aylanib o‘tishni” amallamoqda.