"Kopengagen" yarim himoyachisi Runi Barji faoliyatini Angliyada davom ettirishi mumkin.
Jurnalist Ekrem Ko‘nurning yozishicha, 18 yoshli futbolchining xizmatlariga “Manchester Yunayted” qiziqish bildirmoqda.
Qayd etilishicha, futbolchini qo‘lga kiritish uchun kurashda “qizil iblislar” yetakchilik qilmoqda. Transfer kelasi yozda amalga oshishi mumkin.
Joriy mavsumda Barji barcha musobaqalarda 21 ta uchrashuvda ishtirok etib, 10 ta gol urishga erishdi.
Uning klub bilan shartnomasi 2025 yilda yakuniga yetadi. Futbolchining transfer qiymati 9 million yevroga baholanmoqda.
