«Dinamo» Turkiya yig‘ini doirasidagi uchinchi o‘rtoqlik o‘yinida Qozog‘iston chempionatining amaldagi bronza medali sohibi «Aktobe»ga  qarshi maydonga tushdi.

Vadim Abramov shu kuni ikkita tarkibni sinovdan o‘tkazdi. Birinchi bo‘limda Vohidjon Oqbo‘tayev kuchli zarbasi bilan hisobni ochdi – 1:0.

Ko‘p o‘tmay, bosh hakam tushunarsiz tarzda Dushan Miyichni oddiy qo‘pollik uchun maydondan chetlatdi. 40-daqiqada esa hakam «Dinamo» darvozasi tomon penalti belgiladi va qozoqlar hisobni tenglashtirishdi – 1:1.

Ikkinchi bo‘limda esa tarkib deyarli to‘liq o‘zgargach, jamoa yanada hujumkor o‘ynadi. Shu kuni zaxiradan maydonga tushganiga 5 daqiqa ham bo‘lmagan ko‘rikdagi legioner Franchesko Iminovning uzatmasini golga aylantirib, jamoamizni hisobda oldinga olib chiqdi – 2:1.

80-daqiqada esa Sanjar Shoahmedov qarshi hujumda Farrux Ikromovni yakkama-yakka vaziyatga olib chiqqach, u darvozabonni dog‘da qoldirib, to‘pni Anvar Hojimirzayevga yetkazdi va u o‘yin taqdiriga nuqta qo‘ydi – 3:1.

Shu tariqa, Samarqand jamoasi Qozog‘iston klubini mag‘lub etib, Turkiya yig‘inida birinchi g‘alabasiga erishdi.

O‘rtoqlik o‘yini. 15 fevral (payshanba)
«Aktobe» (Qozog‘iston)  - «Dinamo» (O‘zbekiston) - 1:3
Gollar: Orazov penaltidan 40 – Vohidjon Oqbo‘tayev 5,  Franchesko 45, Anvar Hojimirzayev 80.
«Dinamo» (1-bo‘lim): Farhod Rahmatov, Dushan Miyich, Anvarjon Fayzullayev, Komil Sharofutdinov, Muhammadbobur Asadullayev, Vohidjon Oqbo‘tayev, Akbar Ismatullayev, Javlon Malikov, Xislat Xalilov, Emmanuyel Yagr, Kojo Joel.
«Dinamo» (2-bo‘lim): Ravshan Yagudin, Xurshid Ubaydullayev, Artyom Sokol, Odil Abdumajidov, Salim Mustafoyev (Ulug‘bek Abdullayev, 70), Franchesko (Damir Temirov, 65), Sanjar Shoahmedov, Fransis Narx, Humoyunmirzo Iminov, Farrux Ikromov, Kojo Joel (Anvar Hojimirzayev, 50).
Chetlatish: Dushan Miyich, 31.