"PSJ" bosh murabbiyi Luis Enrike joriy mavsum yakunlanganidan keyin fransiyalik hujumchi Kilian Mbappening jamoani tark etishi haqidagi xabarlar haqida gapirdi.
“Men manfaatdor tomonlar gapirmaguncha Mbappe mavzusiga tegmoqchi emasman. Ular gapirganda, men ham gapiraman. Jamoa hamma narsadan ustun", - deya Enrike so‘zlarini keltiradi La Source Parisenne.
Eslatib o‘tamiz, avvalroq fransiyalik futbolchi "PSJ" rahbariyatiga mavsum yakunida ketishini ma’lum qilgani haqida ma’lumot paydo bo‘lgan edi. Bundan tashqari, "Real" prezidenti Florentino Peres murabbiylar shtabiga Mbappe "Qirollik klubi" futbolchisiga aylanishi haqida allaqachon xabar bergani xabar qilingandi. Bundan tashqari, fransuz Madridda faol ravishda uy-joy qidirayotgani haqida ma’lumot bor.
