Italiya chempionatining 25-turi doirasida «Atalanta» o‘z uyida «Sassuolo»ni qabul qilib, yirik hisobda g‘alaba qozondi.

Pashalich, Kopmeyners va Bakker tomonidan urilgan gollarga mehmonlar javob qaytara olishmadi.

Bergamoliklar A seriya doirasida ketma-ket beshinchi g‘alabani qo‘lga kiritishdi. Jamoa 7 o‘yindan beri mag‘lub bo‘lmayapti. Buning natijasi o‘laroq "Atalanta" o‘z ochkolarini 45 taga yetkazib, jadvalda 4-o‘ringa ko‘tarilib oldi.

Avvalgi mavsumlarda juda yaxshi ishtirok etgan "Sasssuolo" esa 20 ochko bilan 18-pog‘onani band etib turibdi.

Italiya chempionati, 25-tur
Atalanta – Sassuolo 3:0 (1:0, 2:0)
Gollar: 1:0 – 22 Pashalich, 2:0 – 58 Kopmeyners, 3:0 – 75 Bakker.
Atalanta – Karnezekki, Xolm (Bakker, 74), Djimshiti, Kolashinas (Xin, 82), Skalvini, Dzappakosta, Pashalich, Kopmeyners (Adopo, 90), Ederson, Miranchuk (Skamakka, 74), de Ketelare (Ture, 82).
Sassuolo – Konsili, Pedersen, Ruan, Viti, Doyg, Bayrami (Defrel, 60), Mateus Enrike, Torstvedt (Volpato, 72), Lipani (Boloka, 61), Loryante (Ferrari, 84), Pinamonti (Mulattyeri, 72).