"PSJ" bosh murabbiyi Luis Enrike nima uchun Kilian Mbappe Fransiya chempionatining shanba kuni bo‘lib o‘tadigan "Nant"ga qarshi o‘yinida jamoaning asosiy tarkibiga kiritilmaganini tushuntirib berdi.

Xabaringiz bor, Mbappe zaxiradan maydonga tushdi va penaltini aniq amalga oshirib, ikkinchi golni urdi. Parijliklar mehmonda 2:0 hisobida zafar quchdi.

"Bu juda oddiy va tushuntirish juda qiyin. Biz yaqinda Chempionlar ligasi o‘yinini o‘tkazdik. Sarflangan energiyani hisobga olsak, o‘ynamayotganlarga o‘yin vaqtini berish muhim edi, deb o‘ylayman. Biz barcha unvonlar uchun kurashmoqchimiz, shuning uchun bizga barcha futbolchilar, shu jumladan chorshanba kuni maydonga tushmaganlar ham kerak" - dedi Enrike jurnalistlarga.