"Napoli" hujumchisi Viktor Osimxen A Seriya yakuniga yetganidan so‘ng faoliyatini qayerda davom ettirmoqchi ekanligiga qaror qildi.
Jurnalist Rudi Galettining ijtimoiy tarmoqlarda yozishicha, nigeriyalik futbolchi Angliya Premyer-ligasida o‘ynashni afzal ko‘radi. Qayd etilishicha, "Chelsi" futbolchiga faol qiziqish bildirmoqda, London klubi uchun yozgi transfer oynasi Osimxenni sotib olish ustuvor vazifa hisoblanadi.
Eslatib o‘tamiz, neapolliklar Osimxen bilan shartnomani 2026 yilning yoziga qadar uzaytirishdi. Shu bilan birga, nigeriyalik futbolchi kelasi yozda jamoani tark etishi mumkinligini aytdi. Joriy mavsumda Viktor “Napoli” safida barcha musobaqalarda 18 ta o‘yin o‘tkazib, 8 ta gol va 3 ta golli uzatmani amalga oshirdi. Transfermarkt portaliga ko‘ra, forvardning bozor qiymati 110 million yevroni tashkil qiladi.
