"Наполи" ҳужумчиси Виктор Осимхен А Серия якунига етганидан сўнг фаолиятини қаерда давом эттирмоқчи эканлигига қарор қилди.
Журналист Руди Галеттининг ижтимоий тармоқларда ёзишича, нигериялик футболчи Англия Премьер-лигасида ўйнашни афзал кўради. Қайд этилишича, "Челси" футболчига фаол қизиқиш билдирмоқда, Лондон клуби учун ёзги трансфер ойнаси Осимхенни сотиб олиш устувор вазифа ҳисобланади.
Эслатиб ўтамиз, неаполликлар Осимхен билан шартномани 2026 йилнинг ёзига қадар узайтиришди. Шу билан бирга, нигериялик футболчи келаси ёзда жамоани тарк этиши мумкинлигини айтди. Жорий мавсумда Виктор “Наполи” сафида барча мусобақаларда 18 та ўйин ўтказиб, 8 та гол ва 3 та голли узатмани амалга оширди. Transfermarkt порталига кўра, форварднинг бозор қиймати 110 миллион еврони ташкил қилади.
