Kataloniyaning "Barselona" klubi sobiq hujumchisi Lionel Messi "ko‘k-anorranglilar"ning o‘sib borayotgan yulduzi - 16 yoshli hujumchi Lamin Yamal haqida o‘z fikrlari bilan o‘rtoqlashdi.

"Odamlar Yamal haqida bir necha oy oldin bilishgan, lekin men uni olti yildan beri, u yoshlar jamoasida o‘ynaganida bilaman. Uni qanday qilib xet-trik qayd etganini eslayman. U buni qanday qilib aniq bajargani meni hayratda qoldirdi", - dedi 36 yoshli argentinalik futbolchi.

Yamal "Barselona" akademiyasining tarbiyalanuvchisi. U o‘tgan yozdan beri asosiy jamoada o‘ynamoqda. Joriy mavsumda hujumchi kataloniyaliklar safida 34 ta uchrashuvda ishtirok etib, 5 ta gol va 5 ta golli uzatmaga mualliflik qilgan.