Каталониянинг "Барселона" клуби собиқ ҳужумчиси Лионель Месси "кўк-анорранглилар"нинг ўсиб бораётган юлдузи - 16 ёшли ҳужумчи Ламин Ямал ҳақида ўз фикрлари билан ўртоқлашди.
"Одамлар Ямал ҳақида бир неча ой олдин билишган, лекин мен уни олти йилдан бери, у ёшлар жамоасида ўйнаганида биламан. Уни қандай қилиб хет-трик қайд этганини эслайман. У буни қандай қилиб аниқ бажаргани мени ҳайратда қолдирди", - деди 36 ёшли аргентиналик футболчи.
Ямал "Барселона" академиясининг тарбияланувчиси. У ўтган ёздан бери асосий жамоада ўйнамоқда. Жорий мавсумда ҳужумчи каталонияликлар сафида 34 та учрашувда иштирок этиб, 5 та гол ва 5 та голли узатмага муаллифлик қилган.
