Turinning “Yuventus” klubi rahbariyati yarim himoyachi Adriyen Rabio bilan hamkorlikni uzaytirishdan manfaatdor. Bu haqda jurnalist Nikolo Skira ijtimoiy tarmoqlar orqali xabar berdi.
"Keksa sinyora" va 28 yoshli fransuz o‘rtasidagi amaldagi shartnoma joriy mavsum oxirida yakuniga etadi. Avvalroq matbuotda Yevropaning bir qancha klublari Adriyenga qiziqish bildirayotgani haqida xabarlar tarqalgandi. "Bavariya", "Barselona" va "Manchester Yunayted" yarim himoyachini o‘z safiga qo‘shib olmoqchi edi. Yarim himoyachi 2019 yildan beri turinliklar safida to‘p tepmoqda.
Joriy mavsumda Rabyo barcha turnirlar doirasida 21 ta o‘yinda ishtirok etib, 3 ta gol va 3 ta golli uzatmaga mualliflik qilgan.
