Туриннинг “Ювентус” клуби раҳбарияти ярим ҳимоячи Адриен Рабио билан ҳамкорликни узайтиришдан манфаатдор. Бу ҳақда журналист Николо Скира ижтимоий тармоқлар орқали хабар берди.

"Кекса синьора" ва 28 ёшли француз ўртасидаги амалдаги шартнома жорий мавсум охирида якунига этади. Аввалроқ матбуотда Европанинг бир қанча клублари Адриенга қизиқиш билдираётгани ҳақида хабарлар тарқалганди. "Бавария", "Барселона" ва "Манчестер Юнайтед" ярим ҳимоячини ўз сафига қўшиб олмоқчи эди. Ярим ҳимоячи 2019 йилдан бери туринликлар сафида тўп тепмоқда.

Жорий мавсумда Рабьо барча турнирлар доирасида 21 та ўйинда иштирок этиб, 3 та гол ва 3 та голли узатмага муаллифлик қилган.