"Manchester Siti" yarim himoyachisi, ayni damda "Vest Xem"da ijara asosida o‘ynayotgan Kelvin Fillips London jamoasi tarkibida o‘tkazgan ilk o‘yinlari haqidagi fikrlari bilan o‘rtoqlashdi.
Eslatib o‘tamiz, Fillips “bolg‘achilar” safida to‘rtta o‘yin o‘tkazishga muvaffaq bo‘lgan va bu o‘yinlarda birorta ham samarali harakatni amalga oshira olmagan. Shu bilan birga, 28 yoshli futbolchi APLning 25-turi doirasidagi “Nottingem Forest”ga qarshi o‘yinda (0:2) qizil kartochka oldi.
“Hammasi men kutgandek bo‘lmadi. Lekin men futbolni bilaman. Agar qattiq mehnat qilsam va hamma narsani to‘g‘ri qilsam, hamma narsa o‘zgarishini bilish uchun yetarli tajribam bor. Umid qilamanki, men davom eta olaman", - deya Fillipsdan iqtibos keltiradi The Telegraph.
