"Манчестер Сити" ярим ҳимоячиси, айни дамда "Вест Хэм"да ижара асосида ўйнаётган Кэлвин Филлипс Лондон жамоаси таркибида ўтказган илк ўйинлари ҳақидаги фикрлари билан ўртоқлашди.
Эслатиб ўтамиз, Филлипс “болғачилар” сафида тўртта ўйин ўтказишга муваффақ бўлган ва бу ўйинларда бирорта ҳам самарали ҳаракатни амалга ошира олмаган. Шу билан бирга, 28 ёшли футболчи АПЛнинг 25-тури доирасидаги “Ноттингем Форест”га қарши ўйинда (0:2) қизил карточка олди.
“Ҳаммаси мен кутгандек бўлмади. Лекин мен футболни биламан. Агар қаттиқ меҳнат қилсам ва ҳамма нарсани тўғри қилсам, ҳамма нарса ўзгаришини билиш учун етарли тажрибам бор. Умид қиламанки, мен давом эта оламан", - дея Филлипсдан иқтибос келтиради The Telegraph.
