Myunxenning "Bavariya" klubi yangi futbolchisi Brayan Saragosa jamoadagi debyut o‘yini natijalari haqida fikr bildirdi. Eslatib o‘tamiz, kecha ispaniyalik futbolchi Germaniya chempionati doirasidagi "Boxum"ga qarshi "Bavariya" 2:3 hisobida mag‘lub bo‘lgan o‘yinda zaxiradan maydonga tushgandi.
"Natija yaxshi emas, lekin men "Bavariya"da debyut qilganimdan xursandman. Yevropaning eng yirik klublaridan birida debyut qilish har kuni sodir bo‘lavermaydi, bu katta sharaf. Hozir ishlashni davom ettirish va bor e’tiborni kelasi haftada “RB Leypsig”ga qarshi o‘yinga qaratish vaqti keldi”, deb yozdi Saragosa ijtimoiy tarmoqlarda.
Saragosa "Bavariya"ga o‘tishdan oldin Ispaniyada "Granada" jamoasida o‘ynagan. Mavsumning birinchi yarmida Brayan La Ligada 6 ta gol urdi va 2 ta golli uzatmani amalga oshirdi.
