"PSJ"ning o‘ng qanot himoyachisi Ashraf Hakimiy boshqa top-klubga o‘tishi mumkin.
Parijliklar rahbariyati 25 yoshli futbolchi bilan shartnomani uzaytirishni rejalashtirmoqda, biroq u ketish imkoniyatini jiddiy ko‘rib chiqmoqda. Sports Zone xabariga ko‘ra, Hakimiyga "Real Madrid" va "Manchester Siti" klublari qiziqish bildirmoqda va futbolchi faoliyatini davom ettirish uchun ikkala variantga ham qiziqmoqda. Qayd etilishicha, "qirollik klubi" marokashlik uchun faqat keyingi yozda taklif bilan chiqishga tayyor.
Transfermarkt portali ekspertlari Ashraf Hakimiyning narxini 65 million yevroga baholamoqda. Himoyachining "PSJ" bilan amaldagi shartnomasi 2026 yilgacha mo‘ljallangan.
