"ПСЖ"нинг ўнг қанот ҳимоячиси Ашраф Ҳакимий бошқа топ-клубга ўтиши мумкин.
Парижликлар раҳбарияти 25 ёшли футболчи билан шартномани узайтиришни режалаштирмоқда, бироқ у кетиш имкониятини жиддий кўриб чиқмоқда. Sports Zone хабарига кўра, Ҳакимийга "Реал Мадрид" ва "Манчестер Сити" клублари қизиқиш билдирмоқда ва футболчи фаолиятини давом эттириш учун иккала вариантга ҳам қизиқмоқда. Қайд этилишича, "қироллик клуби" марокашлик учун фақат кейинги ёзда таклиф билан чиқишга тайёр.
Transfermarkt портали экспертлари Ашраф Ҳакимийнинг нархини 65 миллион еврога баҳоламоқда. Ҳимоячининг "ПСЖ" билан амалдаги шартномаси 2026 йилгача мўлжалланган.
