"Tottenxem" hujumchisi Deyan Kulushevski jamoasining "Vulverxempton" bilan uy uchrashuvidagi mag‘lubiyati haqida fikr bildirdi.
Angliya Premyer-ligasining 25-turidan o‘rin olgan uchrashuv “bo‘rilar”ning 2:1 hisobidagi g‘alabasi bilan yakunlandi.
"Mag‘lubiyatdan yomonroq narsa yo‘q. Biz yetarlicha yaxshi o‘ynamayapmiz, o‘zimizni yaxshilashimiz kerak. Hozir bizda o‘z ustimizda ishlash va kuchliroq qaytish uchun ikki hafta bor", - deya Kulushevskining so‘zlarini keltirmoqda The Standard.
Futbolchining qo‘shimcha qilishicha, Premyer-liga qiyin liga, unda har bir o‘yinda bor kuchini berish kerak, aks holda g‘alaba qozonish qiyin.
25 turdan keyin “Tottenxem” 47 ochko bilan Angliya chempionati turnir jadvalida beshinchi o‘rinni egallab turibdi.
