"Everton" ushbu haftada APLdan 10 ochko olib tashlash bo‘yicha apellyasiya qarorini kutmoqda.

Eslatib o‘tamiz, ushbu mavsum boshida "Everton" Premyer-liga tarixidagi rekord darajadagi ochkolarni olib tashlagan edi, bu esa "irislar" uchun moliyaviy feyr-pley qoidalarini buzgani uchun jazoga aylandi.

Gap shundaki, "Everton" uch yil davomida – 2019/20, 2020/21 va 2021/22 yilgi mavsumlarda APLning harajat chegarasidan oshib ketdi.

"Everton" boshidanoq o‘z aybini tan oldi va Premyer-liga bilan hamkorlik qildi, ammo "toffesilar" jazoning og‘irligidan hayratda qoldi va shuning uchun apellyasiya berish huquqidan foydalandi.

"Everton"ning apellyasiyasini ko‘rib chiqish uchun Premyer-liga yana bir mustaqil hay’at yig‘di, Sky Sports nashri xabariga ko‘ra, uning hukmi yaqin 48 soat ichida e’lon qilinishi mumkin.

Eslatib o‘tamiz, 15 yanvar kuni – o‘z klublarining 2022/23 yilgi mavsum uchun moliyaviy hisobotlarini o‘rganib chiqib, APL yana "Everton"ni MFP qoidalarini buzganlikda aybladi. "Nottingem Forest"ga qarshi ham da’volar bildirilgan, biroq har ikkala klubni ham jazolash to‘g‘risida qaror qabul qilinmagan.