"Shtutgart" bosh murabbiyi Sebastyan Xyones jamoasini o‘zgartirishi mumkin. Jurnalist Kristian Falkning ijtimoiy tarmoqlardagi xabarlariga ko‘ra, mutaxassisning xizmatlariga Myunxenning "Bavariya" klubi qiziqmoqda.
Xyones Tomas Tuxelning o‘rniga ko‘rilmoqda, uning qo‘l ostida jamoa ketma-ket uch marta mag‘lubiyat alamini totib ko‘rdi va Germaniya chempionatida peshqadamdan ancha ortda qoldi. "Bayer" Bundesliga turnir jadvalida Myunxen grandidan 8 ochko oldinda.
"RB Leypsig"ga qarshi bo‘lajak o‘yin Tuxel uchun Myunxendagi so‘nggi o‘yini bo‘lishi mumkin. Rahbariyat katta ehtimol bilan yana bir omadsizlikka uchrasa, murabbiyni ishdan bo‘shatadi.
