"Штутгарт" бош мураббийи Себастьян Хёнес жамоасини ўзгартириши мумкин. Журналист Кристиан Фалькнинг ижтимоий тармоқлардаги хабарларига кўра, мутахассиснинг хизматларига Мюнхеннинг "Бавария" клуби қизиқмоқда.
Хёнес Томас Тухелнинг ўрнига кўрилмоқда, унинг қўл остида жамоа кетма-кет уч марта мағлубият аламини тотиб кўрди ва Германия чемпионатида пешқадамдан анча ортда қолди. "Байер" Бундеслига турнир жадвалида Мюнхен грандидан 8 очко олдинда.
"РБ Лейпциг"га қарши бўлажак ўйин Тухель учун Мюнхендаги сўнгги ўйини бўлиши мумкин. Раҳбарият катта эҳтимол билан яна бир омадсизликка учраса, мураббийни ишдан бўшатади.
