"Real" yarim himoyachisi Luka Modrich kelasi mavsumda xorvatiyalik futbolchini o‘ziga yordamchi qilib olmoqchi bo‘lgan bosh murabbiy Karlo Anchelottiga javob qaytardi. Italiyalik mutaxassis 38 yoshli yarim himoyachiga yordamchi rolini taklif qilgan, biroq taklif faqat futbolchi mavsum oxirida faoliyatini yakunlagan taqdirdagina amal qiladi.
Diario AS xabariga ko‘ra, Modrich Anchelottining yordamchisi rolidan bosh tortgan, biroq murabbiyga taklif uchun minnatdorchilik bildirgan. Manbaga ko‘ra, xorvatiyalik futbolchi yana bir mavsumni yuqori saviyada o‘ynashi mumkinligini his qilmoqda.
Eslatib o‘tamiz, joriy mavsum yakunida Modrichning "qirollik klubi" bilan shartnomasi tugaydi.
