"Реал" ярим ҳимоячиси Лука Модрич келаси мавсумда хорватиялик футболчини ўзига ёрдамчи қилиб олмоқчи бўлган бош мураббий Карло Анчелоттига жавоб қайтарди. Италиялик мутахассис 38 ёшли ярим ҳимоячига ёрдамчи ролини таклиф қилган, бироқ таклиф фақат футболчи мавсум охирида фаолиятини якунлаган тақдирдагина амал қилади.
Diario AS хабарига кўра, Модрич Анчелоттининг ёрдамчиси ролидан бош тортган, бироқ мураббийга таклиф учун миннатдорчилик билдирган. Манбага кўра, хорватиялик футболчи яна бир мавсумни юқори савияда ўйнаши мумкинлигини ҳис қилмоқда.
Эслатиб ўтамиз, жорий мавсум якунида Модричнинг "қироллик клуби" билан шартномаси тугайди.
