"Atletiko Madrid" va Fransiya terma jamoasi hujumchisi Antuan Grizmann klub uni Parijdagi Olimpiada o‘yinlarida ishtirok etishi uchun qo‘yib yuborishini istashini aytdi.
“Parijdagi o‘yinlar alohida narsadir. Vaqti kelib, “Atletiko” rahbariyati bilan meni qo‘yib yuborishi mumkinmi, degan savolni muhokama qilaman. Olimpiadada qatnashish uchun bor kuchimni ishga solaman.
Oldinda hali yevro bor, lekin men tanamning imkoniyatlarini bilaman, bizda juda yuqori darajadagi fizioterapevtlar bor, shuning uchun hech qanday muammo bo‘lmaydi", - deya Grizmann so‘zlarini keltiradi Le Monde.
