"Атлетико Мадрид" ва Франция терма жамоаси ҳужумчиси Антуан Гризманн клуб уни Париждаги Олимпиада ўйинларида иштирок этиши учун қўйиб юборишини исташини айтди.
“Париждаги ўйинлар алоҳида нарсадир. Вақти келиб, “Атлетико” раҳбарияти билан мени қўйиб юбориши мумкинми, деган саволни муҳокама қиламан. Олимпиадада қатнашиш учун бор кучимни ишга соламан.
Олдинда ҳали евро бор, лекин мен танамнинг имкониятларини биламан, бизда жуда юқори даражадаги физиотерапевтлар бор, шунинг учун ҳеч қандай муаммо бўлмайди", - дея Гризманн сўзларини келтиради Le Monde.
