"Bavariya" futbolchisi Joshua Kimmix va jamoa bosh murabbiyi Tomas Tuxelning yordamchisi bo‘lgan Jolt Lyov o‘rtasidagi mushtlashuv sabablari ma’lum bo‘ldi, deb xabar beradi Bild.
Manbaga ko‘ra, Lyov murabbiylar shtabining Kimmix bilan yaxshi munosabatda bo‘lgan yagona a’zosi edi. Biroq, 22-turning "Bohum" bilan o‘yinidan (2:3) so‘ng, Kimmix almashtirilganidan juda g‘azablandi va Lyovga qarab: "Sizlardan biringiz menga buni tushuntirib berishingiz kerak!", dedi.
Ma’lumotlarga ko‘ra, almashtirishdan so‘ng, Kimmix zaxira o‘rindig‘idan: "Qanday qilib meni zaxiraga olishingiz mumkin?" Kimmixni murabbiylar shtabining dalillari ishontira olmadi: rejaga ko‘ra, Leon Goreska yagona tayanch yarim himoyachi sifatida harakat qilishi, uning oldida yana ikki nafar hujumkor o‘yinchi bo‘lishi kerak edi.
19 fevral kuni Kimmix va Tuxel o‘rtasida voqea yuzasidan suhbat bo‘lib o‘tdi, biroq uchrashuv ular o‘rtasidagi munosabatlardagi kayfiyatni o‘zgartira olmadi.
