"Бавария" футболчиси Жошуа Киммих ва жамоа бош мураббийи Томас Тухелнинг ёрдамчиси бўлган Жолт Лёв ўртасидаги муштлашув сабаблари маълум бўлди, деб хабар беради Bild.
Манбага кўра, Лёв мураббийлар штабининг Киммих билан яхши муносабатда бўлган ягона аъзоси эди. Бироқ, 22-турнинг "Боҳум" билан ўйинидан (2:3) сўнг, Киммих алмаштирилганидан жуда ғазабланди ва Лёвга қараб: "Сизлардан бирингиз менга буни тушунтириб беришингиз керак!", деди.
Маълумотларга кўра, алмаштиришдан сўнг, Киммих захира ўриндиғидан: "Қандай қилиб мени захирага олишингиз мумкин?" Киммихни мураббийлар штабининг далиллари ишонтира олмади: режага кўра, Леон Горецка ягона таянч ярим ҳимоячи сифатида ҳаракат қилиши, унинг олдида яна икки нафар ҳужумкор ўйинчи бўлиши керак эди.
19 февраль куни Киммих ва Тухель ўртасида воқеа юзасидан суҳбат бўлиб ўтди, бироқ учрашув улар ўртасидаги муносабатлардаги кайфиятни ўзгартира олмади.
