"Napoli" hujumchisi Viktor Osimxen Chempionlar ligasining ⅛ finalidan o‘rin olgan "Barselona"ga qarshi o‘yinning ilk daqiqalaridanoq maydonga tushadi. Bu haqda El Chiringuito telekanali xabar berdi.
Manba bergan xabarga ko‘ra, nigeriyalik futbolchi uchrashuvni asosiy tarkibda boshlaydi. Avvalroq, Osimxen Afrika kubogidan eng yaxshi jismoniy holatda qaytmagani sababli "Barselona" bilan o‘yinda ishtirok etishi so‘roq ostida qolgandi. Biroq murabbiylar shtabi Viktorni to‘liq tiklashga muvaffaq bo‘ldi.
Bir necha kun oldin, agar Osimxen "Barselona"ga qarshi maydonga tushsa, futbolchi maydonda maksimal 50-60 daqiqa o‘tkazishi mumkinligi haqida mish-mishlar tarqalgan edi.