"Наполи" ҳужумчиси Виктор Осимхен Чемпионлар лигасининг ⅛ финалидан ўрин олган "Барселона"га қарши ўйиннинг илк дақиқалариданоқ майдонга тушади. Бу ҳақда El Chiringuito телеканали хабар берди.
Манба берган хабарга кўра, нигериялик футболчи учрашувни асосий таркибда бошлайди. Аввалроқ, Осимхен Африка кубогидан энг яхши жисмоний ҳолатда қайтмагани сабабли "Барселона" билан ўйинда иштирок этиши сўроқ остида қолганди. Бироқ мураббийлар штаби Викторни тўлиқ тиклашга муваффақ бўлди.
Бир неча кун олдин, агар Осимхен "Барселона"га қарши майдонга тушса, футболчи майдонда максимал 50-60 дақиқа ўтказиши мумкинлиги ҳақида миш-мишлар тарқалган эди.