O‘zbekiston milliy terma jamoasi va Moskvaning SSKA klubi yarim himoyachisi, 20 yoshli Abbosbek Fayzullayev so‘nggi Osiyo Kubogidan so‘ng o‘z qiymatini 1 million yevroga oshirdi. Bu ko‘rsatkichni Transfermarkt e’lon qildi.
Hozir nufuzli portal ma’lumotlariga ko‘ra, Fayzullayevning narxi 5 million yevroga teng. Bu qiymatning o‘sishi Qatarda bo‘lib o‘tgan Osiyo Kubogida ishtirok etgan barcha futbolchilar orasida eng kattasi bo‘ldi.
Eslatib o‘tamiz, Fayzullayev Moskvaning SSKA jamoasiga atigi olti oy oldin kelib qo‘shilgandi. O‘zbekiston terma jamoasi futbolchisi to‘liq mavsumdan kamroq vaqt ichida 18 ta o‘yinda maydonga tushib, 2 ta gol urdi va 9 ta golli uzatmani amalga oshirdi.
