Madridning “Real” klubi yarim himoyachisi Toni Kroos terma jamoadagi faoliyatini davom ettirishga qaror qildi. Jurnalist Kristian Falk bergan ma’lumotlarga ko‘ra, nemis futbolchisi shu yilning iyun oyida boshlanadigan o‘z uyida bo‘lib o‘tadigan Yevropa chempionatida ishtirok etish uchun Germaniya terma jamoasiga qaytadi.
Kroosning o‘zi Instagram'da qarorini rasman e’lon qildi. Eslatib o‘tamiz, Toni 2021 yil yozida Yevropa chempionati yakunida Germaniya terma jamoasini tark etgandi. Biroq, bu yil Kroos hech qachon yutmagan sovrinni qo‘lga kiritish imkoniyatiga ega bo‘ladi.
Kroos avvalroq 2014 yili Braziliyada bo‘lib o‘tgan jahon chempionatida Germaniya bilan jahon chempioni bo‘lgandi.
