Мадриднинг “Реал” клуби ярим ҳимоячиси Тони Кроос терма жамоадаги фаолиятини давом эттиришга қарор қилди. Журналист Кристиан Фальк берган маълумотларга кўра, немис футболчиси шу йилнинг июнь ойида бошланадиган ўз уйида бўлиб ўтадиган Европа чемпионатида иштирок этиш учун Германия терма жамоасига қайтади.

Крооснинг ўзи Instagram'да қарорини расман эълон қилди. Эслатиб ўтамиз, Тони 2021 йил ёзида Европа чемпионати якунида Германия терма жамоасини тарк этганди. Бироқ, бу йил Кроос ҳеч қачон ютмаган совринни қўлга киритиш имкониятига эга бўлади.

Кроос аввалроқ 2014 йили Бразилияда бўлиб ўтган жаҳон чемпионатида Германия билан жаҳон чемпиони бўлганди.