"Kristal Pelas"ga yangi tayinlangan bosh murabbiy Oliver Glasner umidlar haqida fikr bildirdi. Nemis mutaxassisining fikricha, u mo‘’jizalar ko‘rsatishga qodir emas.
"Men sehrgar emasman, men Devid Kopperfild emasman. Muhimi, biz birgalikda harakat qilishimiz va o‘z qarashlarimizni amalga oshirishimiz kerak. Qisqa muddatli maqsad - futbolchilar bizning qarashlarimiz haqida bilishlari. Kelajakda nima bo‘lishini ko‘ramiz, lekin men bugungi kun bilan yashaydigan yigitman" - dedi Glasner matbuot anjumanida jurnalistlarga.
Hozirda "Kristal Pelas" Angliya chempionati turnir jadvalida 15-o‘rinda bormoqda. Oliver Glasner shogirdlari navbatdagi o‘yinni shanba kuni – “Byornli”ga qarshi o‘tkazadi.
