"Кристал Пэлас"га янги тайинланган бош мураббий Оливер Гласнер умидлар ҳақида фикр билдирди. Немис мутахассисининг фикрича, у мўъжизалар кўрсатишга қодир эмас.
"Мен сеҳргар эмасман, мен Дэвид Копперфильд эмасман. Муҳими, биз биргаликда ҳаракат қилишимиз ва ўз қарашларимизни амалга оширишимиз керак. Қисқа муддатли мақсад - футболчилар бизнинг қарашларимиз ҳақида билишлари. Келажакда нима бўлишини кўрамиз, лекин мен бугунги кун билан яшайдиган йигитман" - деди Гласнер матбуот анжуманида журналистларга.
Ҳозирда "Кристал Пэлас" Англия чемпионати турнир жадвалида 15-ўринда бормоқда. Оливер Гласнер шогирдлари навбатдаги ўйинни шанба куни – “Бёрнли”га қарши ўтказади.