Joriy mavsumni "Brayton" safida ijarada o‘tkazayotgan "Barselona" hujumchisi Ansu Fati kelasi mavsumda yana kataloniyaliklar sharafini himoya qilishi mumkin.
Ispaniyaning "Sport" nashri xabariga ko‘ra, Roberto De Dzerbi va Ansu Fati juda yaxshi munosabatlarga ega. Murabbiy futbolchiga katta ishonch bildiradi.
Agar mutaxassis "Barcelona"da Xavining o‘rniga kelsa, Ansuda jamoaga qaytishi va klubda qolishi uchun juda yaxshi imkoniyati bo‘ladi.
21 yoshli ispaniyalik vinger ingliz klubida joriy mavsum jami 20 ta o‘yinda 4 ta gol urdi va 1 ta assist berdi. Transfermarkt uni 30 million yevroga baholagan.
