"Bayer" bosh murabbiyi Xabi Alonso Germaniya chempionatining 23-turi doirasidagi "Mayns" ustidan qozonilgan g‘alaba (2:1) haqida fikr bildirdi.
Leverkuzenliklar ketma-ket mag‘lubiyatsiz o‘tkazilgan o‘yinlar soni bo‘yicha nemis jamoalari orasida yangi rekord o‘rnatdi. Klub barcha musobaqalarda so‘nggi 33 o‘yinda mag‘lub bo‘lmagan.
“Men rekordlar haqida o‘ylamayman, lekin biz ularga erishganimizda, men jamoa bilan faxrlanaman. Yigitlar juda ko‘p kuch sarflashadi va o‘z mas’uliyatini bilishadi, ular bilan ishlash juda oson. Men ulardan ko‘p narsani o‘rgandim. Biz to‘xtamoqchi emasmiz", - deya Alonsoning so‘zlaridan iqtibos keltiradi klub matbuot xizmati.
2023/24 yilgi mavsumda "Bayer" 29 ta g‘alaba qozondi, 4 marta durang o‘ynadi va barcha musobaqalarda biror marta ham mag‘lub bo‘lmagan.