"Байер" бош мураббийи Хаби Алонсо Германия чемпионатининг 23-тури доирасидаги "Майнц" устидан қозонилган ғалаба (2:1) ҳақида фикр билдирди.

Леверкузенликлар кетма-кет мағлубиятсиз ўтказилган ўйинлар сони бўйича немис жамоалари орасида янги рекорд ўрнатди. Клуб барча мусобақаларда сўнгги 33 ўйинда мағлуб бўлмаган.

“Мен рекордлар ҳақида ўйламайман, лекин биз уларга эришганимизда, мен жамоа билан фахрланаман. Йигитлар жуда кўп куч сарфлашади ва ўз масъулиятини билишади, улар билан ишлаш жуда осон. Мен улардан кўп нарсани ўргандим. Биз тўхтамоқчи эмасмиз", - дея Алонсонинг сўзларидан иқтибос келтиради клуб матбуот хизмати.

2023/24 йилги мавсумда "Байер" 29 та ғалаба қозонди, 4 марта дуранг ўйнади ва барча мусобақаларда бирор марта ҳам мағлуб бўлмаган.