"Feyenoord" jamoasi yetakchisi, hujumchi Santyago Ximenesni yozgi transfer oynasida sotishni rejalashtirmoqda.
Manbaga ko‘ra, klub 22 yoshli futbolchini sotishdan kamida 60 million yevro ishlab olishni maqsad qilgan. Meksikalik forvard xizmatlariga APLning "Chelsi", "Manchester Yunayted", "Tottenxem" va "Vest Xem" klublari qiziqish bildirmoqda.
Ximenes 2022 yilning iyulidan beri "Feyenoord"da o‘ynamoqda. Joriy mavsumda forvard Rotterdam jamoasi safida barcha turnirlarda 31 ta o‘yin o‘tkazib, 22 ta gol va 5 ta golli uzatmaga mualliflik qilgan.