"Фейеноорд" жамоаси етакчиси, ҳужумчи Сантьяго Хименесни ёзги трансфер ойнасида сотишни режалаштирмоқда.
Манбага кўра, клуб 22 ёшли футболчини сотишдан камида 60 миллион евро ишлаб олишни мақсад қилган. Мексикалик форвард хизматларига АПЛнинг "Челси", "Манчестер Юнайтед", "Тоттенхэм" ва "Вест Хэм" клублари қизиқиш билдирмоқда.
Хименес 2022 йилнинг июлидан бери "Фейеноорд"да ўйнамоқда. Жорий мавсумда форвард Роттердам жамоаси сафида барча турнирларда 31 та ўйин ўтказиб, 22 та гол ва 5 та голли узатмага муаллифлик қилган.