Madridning “Real” klubi bosh murabbiyi Karlo Anchelotti yozda “Palmeyras”dan jamoaga kelib qo‘shiladigan hujumchi Endrikning kelasi mavsumda qaysi jamoada harakat qilishi haqida gapirdi.
"Albatta, Endrik keyingi mavsumda asosiy jamoa a’zosi bo‘ladi", - dedi Anchelotti matbuot anjumanida.
Eslatib o‘tamiz, avvalroq Kilian Mbappening "Real"ga o‘tishi rahbariyatning Endrik borasidagi rejalariga ta’sir qilishi mumkinligi haqida mish-mishlar tarqalgan edi. 17 yoshli braziliyalik futbolchi boshqa jamoaga ijaraga berilishi mumkinligi aytilgandi.
"Real" bir yil avval Endrik uchun "Palmeyras"ga 45 million yevro to‘lagan.
