Мадриднинг “Реал” клуби бош мураббийи Карло Анчелотти ёзда “Палмейрас”дан жамоага келиб қўшиладиган ҳужумчи Эндрикнинг келаси мавсумда қайси жамоада ҳаракат қилиши ҳақида гапирди.
"Албатта, Эндрик кейинги мавсумда асосий жамоа аъзоси бўлади", - деди Анчелотти матбуот анжуманида.
Эслатиб ўтамиз, аввалроқ Килиан Мбаппенинг "Реал"га ўтиши раҳбариятнинг Эндрик борасидаги режаларига таъсир қилиши мумкинлиги ҳақида миш-мишлар тарқалган эди. 17 ёшли бразилиялик футболчи бошқа жамоага ижарага берилиши мумкинлиги айтилганди.
"Реал" бир йил аввал Эндрик учун "Палмейрас"га 45 миллион евро тўлаган.
