"Arsenal" hujumchisi Gabriel Martinelli "Manchester Yunayted" jamoasi ko‘rigiga to‘rt marta kelganini aytdi.
Martinelli 2019 yilning yozida "Ituano"dan 6 million funt sterlingga ko‘chib o‘tganidan beri "Arsenal"da o‘ynab kelmoqda. 22 yoshida Gabriel o‘zini "kanonirlar"ning asosiy o‘yinchisi sifatida ko‘rsatmoqda.
Biroq, Martinelli Angliyada ancha oldinroq bo‘lishi mumkin edi. 13, 14, 15 va 16 yoshda Gabriel "Manchester Yunayted" akademiyasiga sinov uchun kelgan, ammo "qizil iblislar" yosh braziliyalikni jismonan juda zaif deb qaror qilishgan.
"2015 yildan 2017 yilgacha men u yerga to‘rt marta bordim va har birida 15 kun vaqtimni o‘tkazdim. Hamma bir o‘quv markazida mashg‘ulot o‘tkazgani va bitta oshxonada ovqatlanayotgani uchun men barcha professionallarni ko‘rdim.
Men Evra, Fellayni va boshqalar bilan suratga tushishni so‘radim. Pogba braziliyalik ekanligimni bilar edi va yaxshi ekanligimni va qayerda o‘ynayotganimni so‘radi. Biz birga suratga tushdik", - dedi Martinelli ESPN Brasil nashriga.
