"Barselona" hujumchisi Joau Feliks jamoaning joriy La Ligadagi istiqbollari haqidagi savolga javob berdi. “Xetafe” ustidan qozonilgan g‘alabadan so‘ng (4:0) kataloniyaliklar 57 ochko bilan turnir jadvalida ikkinchi o‘rinda bormoqda, ammo tez orada uchinchi o‘ringa qaytishi mumkin. Chunki “Jirona” (56) hali ham “Rayo Valyekano”ga qarshi o‘yinni o‘tkazishi kerak.
62 ochko jamg‘argan “Real” peshqadam bo‘lib turibdi, ularda hali bir o‘yin bor.
“Biz La Liga uchun oxirigacha kurashamiz. Har bir jamoa istalgan vaqtda ochko yo‘qotishi mumkin. Biz ishonishda davom etishimiz kerak", - deya Feliks so‘zlaridan iqtibos keltiradi Barca Universal.
Keyingi turda “Barselona” safarda “Atletik Bilbao”ga qarshi bahs olib boradi. Uchrashuv 3 mart kuni bo‘lib o‘tadi.
