"Барселона" ҳужумчиси Жоау Феликс жамоанинг жорий Ла Лигадаги истиқболлари ҳақидаги саволга жавоб берди. “Хетафе” устидан қозонилган ғалабадан сўнг (4:0) каталонияликлар 57 очко билан турнир жадвалида иккинчи ўринда бормоқда, аммо тез орада учинчи ўринга қайтиши мумкин. Чунки “Жирона” (56) ҳали ҳам “Райо Вальекано”га қарши ўйинни ўтказиши керак.
62 очко жамғарган “Реал” пешқадам бўлиб турибди, уларда ҳали бир ўйин бор.
“Биз Ла Лига учун охиригача курашамиз. Ҳар бир жамоа исталган вақтда очко йўқотиши мумкин. Биз ишонишда давом этишимиз керак", - дея Феликс сўзларидан иқтибос келтиради Barca Universal.
Кейинги турда “Барселона” сафарда “Атлетик Бильбао”га қарши баҳс олиб боради. Учрашув 3 март куни бўлиб ўтади.
