"Real" bosh murabbiyi Karlo Anchelotti madridliklarning Ispaniya Primerasi doirasida "Sevilya"ga qarshi o‘yindagi g‘alabasi haqida fikr bildirdi. Uchrashuvdagi g‘alaba golini 81-daqiqada yarim himoyachi Luka Modrich kiritdi.
“O‘yin ajoyib o‘tdi, biz muvozanatli va mahoratli o‘yin ko‘rsatdik. Bellingem va Xoselu kabi hujumkor o‘yinchilarni yo‘qotish bilan bog‘liq muammolarga duch keldik. Shuni inobatga olgan holda, biz uch ochkoga loyiq edik va men ajoyib o‘yindan juda mamnunman", - deya Anchelotti so‘zlarini keltiradi Marca.
Ayni damda Ispaniya chempionati turnir jadvalida 65 ochko bilan “Real” peshqadamlik qilmoqda.
