"Реал" бош мураббийи Карло Анчелотти мадридликларнинг Испания Примераси доирасида "Севилья"га қарши ўйиндаги ғалабаси ҳақида фикр билдирди. Учрашувдаги ғалаба голини 81-дақиқада ярим ҳимоячи Лука Модрич киритди.
“Ўйин ажойиб ўтди, биз мувозанатли ва маҳоратли ўйин кўрсатдик. Беллингем ва Хоселу каби ҳужумкор ўйинчиларни йўқотиш билан боғлиқ муаммоларга дуч келдик. Шуни инобатга олган ҳолда, биз уч очкога лойиқ эдик ва мен ажойиб ўйиндан жуда мамнунман", - дея Анчелотти сўзларини келтиради Marca.
Айни дамда Испания чемпионати турнир жадвалида 65 очко билан “Реал” пешқадамлик қилмоқда.
