Shtefan Effenberg Alfonso Devisning "Bavariya"dagi holati haqida gapirdi.
"Agar Alfonso Devis "Real" haqida o‘ylayotgan bo‘lsa, undan voz kechish kerak: u endi "Bavariya"da butun qalbi, joni va kerakli ishtiyoqi bilan emas.
Futbolchining o‘zi o‘rnak ko‘rsatishi va aytishi kerak: "Men shu yerda qolib, kim murabbiy etib tayinlanishini bilishni va "Bavariya" uchun hamma narsani qilishni xohlardim". Bu masala nafaqat klubga tegishli. Lekin men futbolchilar bilan ochiq gaplashardim. Agar ular olib qolishga tayyor bo‘lmasalar, men ularni sotuvga qo‘ygan bo‘lardim. Moliyaviy nuqtai nazardan, "Bavariya" kelasi yil o‘yinchilarini sotmaslikka qurbi yetmaydi", - dedi myunxenliklarning sobiq futbolchisi.
Devisning Myunxen klubi bilan shartnomasi 2025 yilning yozida yakuniga yetadi.
Bir qator OAV xabarlariga ko‘ra, o‘tgan hafta futbolchining agenti va "Bavariya" sport direktori 23 yoshli himoyachining kelajagi haqida muzokara olib borishgan. Der Spiegel nashri xabariga ko‘ra, Devis allaqachon "Real" bilan transfer va ehtimoliy maosh borasida kelishib olgan.
